Di hiji leuweung, aya hiji kuda. Eta kuda teh kasep kacida. Gagah deuih sabab ngabogaan tanduk. Tanduk ranggaek, sing areluk dina sirahna. Laluis deuih tandukna teh. Mun katojo ku panon poe sok gugurilapan.
Eta kuda ge sakti mandragun. Kesaktianana aya dina sukuna. Mun dipake najong, tanagana rohaka. Nu ditajongna bakal ngalayang sarta murag ditempat nu jauh. Lamun dipake nejeh, tejehannana tarik pisan. Nu di tejehna bisa sapada harita.
Kusabab boga rupa nu hade, dedegan alus jeung kasaktian nu pinujul, eta kuda teh diangkat jadi raja. Sakumna rahayat eta leuweung mihareup eta raja bisa ngajalankeun tugasna kalawan hade.
Ngan orokaya, eta kuda teh jadi umaing. Asa aing pangkasepna, asa aing pangjagona. Eta kuda teh boga sipat barangasan. Gawena tipopolotot, estu sahaok kadua gaplok.
Kasombongan kuda kadengeeun ku sakadang maung. Sakadang maung asa ditangtang.manehna sasayagian pikeun ngawarah kuda. Sakadang maung ngumpulkeun balad-baladna. Geus karumpul mah bral wae miang ngajugjug ka karaton kuda.
Nagdenge abrulan maung nu rek ngarurug ka karatonna, sakadang kuda ngarasa fimir. Ban di barengan ku badegana. Nyaeta sakadang mencek, kuda the kabur ninggalkeun karatonna.
Mimitina mah lumpatna kuda theh tarik pisan. Ngan barang sup kajero leuweung nu rembet ku kakayon, lumpatna teh jadi ngendoran. Malah dina hiji tempat mah manehna teu bisauen lumpat deui. Anu jadi sabab, tandukna tikait kana areuy kakayon, kuda ugal ugil hayang ngaleupaskeun tandukna, tapi teu bisa. Antukna kuda neneda ka nu kawas sangkan ditulungan.
Ngan aya sora tanpa jirim. “ pihapekeun wae eta tanduk the ka si mencek,” ceuk eta sora.
Teu kaleked, ragamag leungeun kuda ngaragamang kana tandukna tuluy diangkat. Aneh pisan ana balonyon teh tandukna lesot. Sarta eta tanduk teh locot tina areuy kakayon tea.
Luyu jeung parentah sora tea, song wae eta tanduk teh di bikeun ka sakadang menceuk. Geus kitu mah kuda teh neruskeun deui lumpatna.arin eta tanduk ku sakadang menceuk langsung dipake.
Lebah tempat anu mah, kuda menta deui tandukna. Ngan orokaya, eta tanduk teh teu daekeun lesot tina sirah mencek. Nya ti haritakuda jadi teu bogaeun tanduk. Sabalikna, ti harita menceuk bogaeun tanduk, malah tuluy nepi ka turunannana.
0 komentar:
Posting Komentar